Ameɣras Mestafa Ben Bulɛid

Résultat de recherche d'images pour "mustapha benboulaid"Ilul  deg Aris ass n 05 deg yibrir 1917 deg tmurt n yicawiyen deg Luras, iga timsirin-is timezwura n wulmud deg taddart ideg ilul, sin akkin yekcem ɣer uɣerbaz n « Lɛulama Lmuslimin ».

                Deg useggas n 1939, yekfa asɛeddi n lɛesker imḥettem seld mi i d-yuɣal deg yinig seg Fransa deg 1937. Uqbel tagrawla n lezzayer, deg yiseggasen n rebɛin, yella iqeddec daxel n ukabar « Aɣref azzayri » anda i yella d amaslaḍ yettazzalen s waṭas deg tmurt n Luras. Akken kan i d-tlul « Tsuddut Tamzzugt » (OS), yebda leqdic amqqran deg uselmed n leqdic amsertan d usemres n leslaḥ i yilmeẓyen.

ɣer useggas n 1948 itteka deg imrecḥen ɣer lbuṭ n Unejmuɛ Azzayri, anda i d-yewwi tuget n yiswan i yidis-is. Akken kan i tessaweḍ Fransa tefreq Tasuddut Tamzzugt, yeqqel ɣer uɛiwen n iserdasen irewwlen i Fransa, akken daɣen i d-yettaɣ leslaḥ s yidrimen-is.

                Ben Bu Lɛid itteka deg usbeddi n « Luǧna tanmekrant i tizdit akked tigawt », yekki deg unejmuɛ n 22 deg Yunyu 1954 anda i d-yettwasbed d imḍebber ɣer temnaḍt tamezwarut (Luras) deg yiwen n lawan anda yella deg unagraw n 06.

Imi yebda ṭrad azzayri itekka s ifassen-is deg ufreq n leslaḥ. yattwaṭṭef deg wass n 11 deg yibrir, seld yettwaḥkem fell-as s lmut deg juin 1950 deg Qsenṭina, macca yessaweḍ ad d-yerwel seg lḥebs netta akked Ṭaher Zbiri  deg Yujember. Sin akkin itteka deg sin imennuɣen : «  Ifri el Blah » akked « Aḥmer ».

Ikemmel Amennuɣ Agrawliw almi d assen mi yeɣli, 22 Meɣres 1956, s txazafit yellan deg umaṭṭaf yettwafexexen s ɣur yigen afransis.

 

 

X.Y

Tukkist deg uɣmis "Tiɣremt"