Anwa i d Ɛemmar Uld Ḥemmuda ?

Tugna-ya nufa-tt deg uẓeṭṭa n internet, ma yella-d ucetki, ad tt-nekkes war aɣilif. Tanmirt.

Résultat de recherche d'images pour "amar ould hamouda"

Ɛemmar Uld Ḥemmuda, d mmis n taddart Tasaft Ugemmun deg tɣiwan i umi semman ass-a Ibudraren deg t

murt n leqbayel, d mmis ɛemmi-s n Si Ɛmiruc.

Imi  i d-yewweḍ d ilemẓi yekcem ɣer uɣerbaz wis kraḍ deg Buzerriɛa, akken i yettbeddil seg uɣerbaz ɣer wayeḍ ! Melyana akked Ben Ɛeknun, aneggaru-a anda i yemlal akked Weɛli Bennay, Ɛummer Useddiq, Muḥend yidir At Ɛemran, Saɛid Ciban… Azal n kraḍet tmerwin yid-sen akken yenna Rabeḥ Lewnis deg udlis-ines « Imsawlen n Tmaziɣt mgal Leḥkem », d wi i d-yellan seld d iqerray ɣef tezɣen n tmaziɣt deg ukabar n PPA-MTLD.

Imi ur yessaweḍ ara ad yerbeḥ akayad n Lbak, yekcem deg Ukabar Aɣref Azzayri (PPA) deg 1942, anda i yettnaɣ ɣef yisem n Lezzayer d Tazzayrit , s yin yekcem de Tuddsa Tuffirt (OS) anda yettusbed-d ad yelthu s wayen akk yerzan tamurt n lekbayel.

Tenxuxel nniya-s seg tiktiwin « Taɛrabt-tineslemt » i d-ilulen deg umussu aɣelnaw, s waya yeɛreḍ ad d-iger tikta « tamaziɣt » deg umennuɣ-is imi ittekka deg ugraw n yimsawlen s yisem n tmaziɣt, wid i umi ssawalen « Iɣelnazriyen », d wi i d-yeslulen tazɣent deg ukabar n PPA-MTLD deg useggas n 1949. S yin akkin ḍefren-t almi i teṭfen ɣer lḥebs deg tefsut n 1949, gren-t ɣer lḥeb-s n Blida, akken daɣen i t-sufɣen seg ukabar ilmend n tektiwin-is, imi ineddeh s yisem n tmaziɣ daxel n ukabar-a.

Seld imi tendeh tegrawla n Lezzayer, nnan-d yettwanɣa s ɣur yigen n FLN deg 1956, s ɣur wid i t-id-yettwalin d ugur. Atah ubrid n win ara yessiwlen s yisem n yiẓuran-is ! Atah leḥq n win ara yessiwlen s yisem n lejdud-is ! Atah ubrid n win ara yessiwlen s yisem n Tmaziɣt !   

Tukkist deg uɣmis "Tiɣremt" X.Y