Ḥemza Zirem «  Ambassadeur de la Paix »

Tasdawit n Swis (Suisse) n lehna (Universum Academy Switzerlend) textar, tɛeyyen-d i tikkelt-a amaru azzayri Ḥemza Zirem ad yettwasemmi « Ambassadeur de la Paix ». Ass n mraw deg Magu 2014, ad as-tefk araz n tsekla tageraɣlant n Lurup 2014, araz-a i d-yewwi ilmend n wungal i umi isemma « Inna alla Liberà di espressione ».

Ḥemza Zirem, azzayri, mmi-s n Bgayet, ilul deg useggas n 1968, amaru i yettarun s snat n tutlayin, Tafransist akked Tṭelyant, yessaweḍ s leqdicat-is ad yekcem ɣer wannar n tsekla taɣerfant akken i yessaweḍ daɣen s wungal aneggaru i d-yessazreg deg tezrigt Aletti Editore s yisem « Inna alla Libertà di espressione », ad d-yawi araz ara t-icerfen, ara icerfen tikti tamaziɣt s umata. Deg udlis-a i s wayes yewwi araz awen-d-fkeɣ s tsuqqilt i giɣ i  tegzem ara aɣd-d-yefken tikti tamatut iɣef d-yettmeslay ungal-a ; Deg-s ad naf : « Deg kra n umkan deg umḍal, yella dima kra n umdan i yettnadin abrid i tifrat-is ! S wuguren akked tmegliwin n lmiziriya. Iberdan n tudert ugten, ɣerqen s iḥulfan n leḥzen i d-yettawin leqriḥ ɣer wul n umdan. Amaru Masinisa, argaz ifuden tilelli, yuɣ abrid n yinig anda ara yebnu tirga-s ! Imi t-id-wḍen lesnaf n tmeḥqranit yemgaraden, s waya i yextar ad yeǧǧ tamurt-is deg unebdu n 2007 imi d-yejmel ayen i t-ilezmen d adrim deg wazal n tɛecrett iseggasen deg i yeqdec d aselmad ; Yextar i tikkelt tamezwarut tamurt n Fransa, yessaweḍ yewwi-d ttesriḥ n uɛeddi (Visa) imi yettwaɛraḍ ad yesɛeddi azal n kraḍ n lechur s ɣur amaru Jules Roy deg Vizelay » akken daɣen i ibeddu udlis-a s tullsa n umaru i yettwazayzen. Seld Fransa, yerra ɣer Nurbaj anda i yeɛreḍ ad yerwel i texnanasin n umdan ». Adlis-a yeččuren d imenzayen n talsa yefkaten-id s wudem afelsafi i yettwali netta d lehna akked lferḥ yellan deg wul n umdan, yella deg leqniɛa n tnefsit-is !

« Izabel tessegzay-d blik lferḥ d aḥulfu i tebɣa ad t-teziɣzef ɣer war tagara, war keffu ! Lferḥ d aslelli n iḥulfan ; Lferḥ d tiririt n lferḥ n umdan yettun amek ara yili yefreḥ ; Lferḥ d tahuski n ugama ; Lferḥ d azmumeg n tyemmat ; Lferḥ d aḥwas n yal taɣawsa akked yal tallit akked yal  tasweḥt deg tudert. Masinisa yettwaqenneɛ blik aḥulfu s lferḥ ur yelli d ayen-nniḍen siwa d addad (taɣara) amellay, yegza seg zik-is d akken Lferḥ d amserti, iqebbel taswiḥt-is s ustɣel n tallit n zhu ɣas d aḥerfi deg tallit n umdan ».                                        

Tukkist deg uɣmis "Tiɣremt" X.Y