Archives

D acu i tenniḍ ? Ddabex n uḍar d addal neɣ d taduli ɣef wallaɣen ! Tarbaḥt taɣelnawt n ddabex n uḍar, tekcem aseggas-a ɣer temzizelt n Umaḍal n waddal-a ; allen i merra ɣer tmurt n Brizil, allaɣen i merra lethan-d d ugmuḍ ara taweḍ tmurt-nneɣ, anwa aswir deg ara tres gar akk tmura n umaḍal i yettekkan deg temzizelt-a ; aya ulac fell-as tisewham, imi mayl tamurt deg tmura lant targit-a ; ad gent agmuḍ yelhan, win ara yesferḥen neɣ ara as-igen ccan deg uswir agraɣlan. Deg tidet n ugdud-nneɣ, wa i yerra deg... [Lire la suite]

D acu i tenniḍ ? Tamuɣli taminant gar Tutlayt akked Wallaɣ I tikkelt-nniḍen, ad d-yessebgen udabu Azzayri war lethu-ines d temsalt n Tmaziɣt, Tamaziɣt i yettraǧu ugdud ad tuɣal d tutlayt tunsibt, ayen akk i weɛden deg usewjed akked lḥemlat n lbuṭ i gan ɣaf temsalt n Tmaziɣt, ass-a ttun-tt... Ala ! mačči kan ttun-tt, mektan-tt-id, d acu kan wten nneḥ ! Aya yessebgen-it-id uneɣlaf amezwaru, tikelt-a taneggarut deg APN, imi ɣur-s Tamaziɣt mačči d aɣilif n udabu, ɣur-s, netta tamurt yewwi-d kan ad d-tlethu deg wannar n tdamsa akked... [Lire la suite]

D acu i tenniḍ ? Sirṭa, D tamanaɣt n yidles Aɛrab ! Adabu n wass-a, ladɣa seg yiseggasen-a ineggura, seg 2007 ɣer wass-a, yufa-d ttawil amaynut s wayes ara yeẓẓu isem akked yidles akked tumast Taɛrabt deg wallaɣ akked wulawen n myal azzayri ; Seg useggas n 2005, lawan i d-tuɣal talwit ɣer wulawen n wid yesɛan ul akked tasa ɣef Tutlayt-nsen akked tumast-nsen, imi tettwasekcem ɣer tmendawt, tuɣal d tutlayt taɣelnawt, ilmend n yidim i yuzlen seg tfekka n waṭas n yimdanen, acḥal d allaɣ yedrewcen seg uxemmem akked useḥseb... [Lire la suite]

D acu i tenniḍ ? Iḥricen n taywalt s tmaziɣt, d afud neɣ d asefcel ?             Ass-a, izad, yennerna uḥric n taywalt deg wannar n Tmaziɣt, yebda seg yimaṭṭafen n Radyu almi i d-yewweḍ ɣer ulday n tiliẓriyin akked uḥric n yisebtar deg yeɣmisen, maca Ayen i bɣiɣ ad d-rreɣ lwelha ɣur-s : d wannar n taywalt akked yisallen ; Ladɣa deg tiliẓriyin i d-yesɛeddayen ama d tidwilin ama d isallen ama d isura s tutlayt Tamaziɣt. Deg wayen yerzan akk tantaliwin-is ;... [Lire la suite]

Ḥemza Zirem «  Ambassadeur de la Paix » Tasdawit n Swis (Suisse) n lehna (Universum Academy Switzerlend) textar, tɛeyyen-d i tikkelt-a amaru azzayri Ḥemza Zirem ad yettwasemmi « Ambassadeur de la Paix ». Ass n mraw deg Magu 2014, ad as-tefk araz n tsekla tageraɣlant n Lurup 2014, araz-a i d-yewwi ilmend n wungal i umi isemma « Inna alla Liberà di espressione ». Ḥemza Zirem, azzayri, mmi-s n Bgayet, ilul deg useggas n 1968, amaru i yettarun s snat n tutlayin, Tafransist akked Tṭelyant, yessaweḍ s... [Lire la suite]

Anwa i d Lɛimac Ʃli ?   Aseggas 1925 ideg ilul umeɣras, ameɣnas n tlelli akked tumast akked tutlayt tamaziɣt, Ɛli Lɛimac yiwen gar wudmawen igejdanen deg terbaɛt i umi ssawalen iɣelnaẓriyen, Amdan amezwaru i d-ibedren isem « Amaziɣ » akken ad as-d-slen wid terza temsalt n tumast deg tallit-nni, isem-a ur t-id-iḍeqqer ara kan akka d agugil ! ur t-yeǧǧi ara kan akka deg yimi-s d awal macca isedda-t deg usefru i gan d taɣect i usakki n ugdud azzayri i yellan deg tadras d Amaziɣ, iga-t d taɣect akken ad... [Lire la suite]

D acu i tenniḍ ?          Azger mi yeɣli qqwan ijenwiyen fell-as ! Ticki i ufan abrid i ḥed ad ɣlin fell-as s regmat akked yar awal, myal d ajerṭiṭ ad as-t-cellen i yiri-s, yiwen ma yebra i yiman-is gar-asen ad as-ḍlun temses akken ad t-sirexsen ! Igrawen yekkaten ass-a akk ad d-snekwun iman-nsen d imaziɣen, adabu iga-asen yakan ismawen, isbedd-asen-d yakan uguren, uguren i d-yesbeddad udabu n wass-a mačči d aqabel-nni kan n zik s tersasin, macca ass-a yessawseɛ tikti-nni n... [Lire la suite]

Amenzu n Magu ; Anda llan izerfan n iqeddacen ?          Ass n 01 deg Magu, d ass i d-yettuɣalen i yal tikkelt i usmekti nêq d tajemmilt i iqeddacen akked d ixeddamen n myal taɣult. Ay adra deg wass-a kan i d-yettabdar ? Ma iwala kra n wass izerfan-is anda i rran ? Amek i tga lḥalla-s deg tmetti n wal ass ?  D acu ara d-yilin i wid akk yettnadin lxedma ?          Azzayri, aqeddac n yal ass, ur yeɛqil abrid-is, yezzi-d am yal tikkelt, am yal aseggas... [Lire la suite]

D acu i tenniḍ ? « Swab yella ɣer umeqran, yella ɣer umecṭuḥ », yeqɛed yinzi i tlufa n wass-a ? D ayen ur iqebbel leɛqel, mi yeɛreḍ ilemẓi ad d-yini awal, ad as-inin : « Eskket ! kečč ur tessineḍ ara !».          Sfehmet-iyi-d ayɣer ! mazal ur fhimeɣ ara d acu i ken-yerḥan deg yilmeẓyen, ayɣer i tebɣam ad ten-tɛegbem ! Nekk daɣen ad awen-iniɣ : « Ur ḥeqqert ara », d awal i d-yettales Muḥya fell-as yeɛfu yerḥem, myal tikkelt deg... [Lire la suite]

Anwa i d Ɛemmar Uld Ḥemmuda ? Tugna-ya nufa-tt deg uẓeṭṭa n internet, ma yella-d ucetki, ad tt-nekkes war aɣilif. Tanmirt. Ɛemmar Uld Ḥemmuda, d mmis n taddart Tasaft Ugemmun deg tɣiwan i umi semman ass-a Ibudraren deg t murt n leqbayel, d mmis ɛemmi-s n Si Ɛmiruc. Imi  i d-yewweḍ d ilemẓi yekcem ɣer uɣerbaz wis kraḍ deg Buzerriɛa, akken i yettbeddil seg uɣerbaz ɣer wayeḍ ! Melyana akked Ben Ɛeknun, aneggaru-a anda i yemlal akked Weɛli Bennay, Ɛummer Useddiq, Muḥend yidir At Ɛemran, Saɛid Ciban… Azal n kraḍet... [Lire la suite]